آسٹریلوی صحافی نے سچن ٹنڈولکر کا مذاق اڑا دیا

میلبورن: آسٹریلوی صحافی ڈینس نے سابق بھارتی بیٹسمین سچن ٹنڈولکر کا مذاق اڑا دیا۔

تفصیلات کے مطابق آسٹریلوی صحافی ڈینس نے ہاکی میچ سے متعلق سچن ٹنڈولکر کے پرانے ٹویٹ کو لے کر انہیں مذاق کا نشانہ بنایا۔

واضح رہے کہ سچن ٹنڈولکر نے آج ہی کے دن چار سال قبل ایک ٹویٹ کیا تھا۔

سابق بھارتی بیٹسمین نے ٹویٹ کے ذریعے ہاکی ورلڈ لیگ 2017 میں بھارتی ہاکی ٹیم کو پاکستان کو شکست دینے پر مبارک باد پیش تھی۔

آسٹریلوی صحافی نے اپنے ٹویٹ میں لکھا کہ چار سال قبل آج ہی کے دن سچن ٹنڈولکر چیمپئنز ٹرافی کا فائنل دیکھنے کے لیے بھارت سے انگلینڈ جانے کا سفر طے کرتے ہیں۔

انہوں نے لکھا کہ پھر سچن ٹنڈولکر نے یہ ٹویٹ کرکے بھارتی ٹیم کو مبارک باد پیش کی۔

آسٹریلوی صحافی نے اپنے ٹویٹ میں سچن ٹنڈولکر کو بے ہودہ انسان قرار دیا۔

یاد رہے کہ آج ہی کے دن پاکستان نے بھارتی کرکٹ ٹیم کو آئی سی سی چیمپئنز ٹرافی کے فائنل میں شکست دی تھی۔

اپنا تبصرہ بھیجیں