فیشل کب اور کیسے کروانا چاہیے؟ جانیے

میک اپ کرنے سے پہلے جلد کی صفائی ضروری ہے اور وہ صفائی آ پ کو فیشل سے حاصل ہو سکتی ہے۔ فیشل کروانے سے پہلے کچھ اہم عوامل کا خیال رکھنا ضروری ہے جن میں عمر سر فہرست ہے۔

آج کل خواتین میں فیشل کا رجحان بہت زیادہ پایا جارہا ہے لیکن سوچنے کی بات یہاں یہ ہے کہ کیا فیشل آپ کی جلد کے لیے واقعی اچھا ہوتا ہے؟ ماہرین کا کہنا ہے کہ چہرے کی خوبصورتی کو برقرار رکھنے کے لیے چہرے کا مساج اہم ہوتا ہے اور اس کے کئی فوائد بھی ہیں۔

فیشل کرنے سے چہرہ صاف و شفاف ہوجاتا ہے، اس کی عادت چہرے پر چمک لے آتی ہے اور جھریاں نہیں پڑنے دیتی اور کیل مہاسے ختم ہوجاتے ہیں۔

اس کے علاوہ فیشل سے چہرے پر موجود بدنما داغ دھبے دور ہوجاتے ہیں اور چہرے کو نئی تازگی مل جاتی ہے، اس عمل سے جلد نرم و ملائم ہوجاتی ہے اور تمام گرد و غبار نکل جاتا ہے۔

ہرین کا کہنا ہے کہ ٹین ایج میں فیشل کروانا شروع کردینا چاہیے لیکن فیشل کے لیے چہرے کی جلد کو بھی مد نظر رکھا جانا ضروری ہے۔ چھوٹی عمر میں یعنی بلوغت کے فوری بعد ڈاکٹر کے مشورے کے بغیر فیشل نقصان دہ ثابت ہوسکتا ہے۔

اے آر وائی ڈیجیٹل کے پروگرام گڈ مارننگ پاکستان میں ڈاکٹر شائستہ لودھی نے بتایا کہ ایسے فیشل جس میں سفید کریم بلیچ یا مرکری جیسے اجزاء شامل ہوں وہ چیز چھوٹی عمر کی لڑکیوں کیلئے مناسب نہیں۔

اس موقع پر ایک نئی اسپیشل فیشل کٹ متعارف کرائی گئی جس کو آپ گھر میں آسانی سے استعمال کرسکتے ہیں اور فیشل کٹ میں کسی بھی قسم کے خطرناک کیمیکل شامل نہیں۔

اس فیشل کٹ کے کیا فوائد ہیں اور اس کو استعمال کرنے کا کیا طریقہ ہے اس حوالے سے معلومات کیلئے ویڈیو دیکھیں

اپنا تبصرہ بھیجیں